धनकुटा । धनकुटाको विभिन्न अवैद रुपमा लगाएको गाँजाको बोट तथा वेर्ना प्रहरीले नष्ट गरेको छ । कोशी प्रदेश प्रहरी कार्यालय बिराटनगरको सुरक्षा सुनिश्चितता अभियान अर्न्तगत गाँजाका बोट नष्ट गरेको प्रहरीले जनाएको छ ।
जिल्ला प्रहरी कार्यालय धनकुटा मातहतका इलाका प्रहरी कार्यालय भेडेटार तथा धनकुटाबाट खटिएको प्रहरी टोलिले साँगुरीगढी गाउँपालिका वडा नं(७ र इलाका प्रहरी कार्यालय छिन्ताङ्ग, प्रहरी चौकी आँखिसल्ला, प्रहरी चौकी त्रिवेणीले सहिदभूमि गाउँपालिकाका बिभिन्न स्थानबाट २६ रोपनी भन्दा बढी जग्गामा अवैध रुपमा लगाएका र प्राकृतिक रुपमा उम्रेका २३ हजार ९ सय गाँजाका बोट फडानी गरी जलाई नष्ट गरिएको जिल्ला प्रहरी कार्यालय धनकुटाले जनाएको छ । यसरी अवैद रुपमा लगाएको गाँजा नष्ट गर्ने अभियान निरन्तर रुपमा सञ्चालन गरिने समेत प्रहरीको भनाई छ ।
