१३ पौष, धनकुटा। मदिरा तथा थोक व्यावसायी संघ धनकुटाको शनिवार पर्यटकीय स्थल भेडेटारमा सम्पन्न भएको प्रथम साधारण सभा तथा अधिवेशनले दिजेश शाक्यको अध्यक्षतमा नया नेतृत्व चयन गरेको छ ।
त्यस्तै उपाध्यक्षमा मदन खुलाल,महासचिवमा उत्सव कटेल,सचिव निरज श्रेष्ठ,कोषाध्यक्ष जनक पाण्डे र सदस्यहरुमा दिपक प्रधान,प्रकाश तामाङ,बेद वहादुर राना,नगेन्द्र वस्नेतलाई निर्वाचित गरेको नव निर्वाचित अध्यक्ष शाक्यले जानकारी दिए ।
यसैगरी समितिको सल्लाकारहरुमा विजय सन्तोषी राई,उमेश घिमिरे,लालचन्द्र गोङ्वा,रुकमान तामाङ र मनकुमारी तितुङलाई चयन गरेको छ ।
सो अवसरमा मदिरा तथा थोक व्यावसायी संघ धनकुटाको तर्फबाट खुकुरी रम दि डिस्टीलरीका बजार प्रतिनिधि तुलसी अधिकारीलाई सम्मान गरेको थियो ।
कार्यक्रममा नेपाल मदिरा व्यावसायी महासंघका केन्द्रिय अध्यक्ष सोनाम शेर्पा,साँगुरीगढी गाउँपालिका अध्यक्ष जितेन्द्र राई,धनकुटा उद्योग बाणिज्य संघका अध्यक्ष विजय सन्तोषी राई लगायतको उपस्थिती रहेको थियो ।
