विनोद भण्डारी
चैत्र २२, चौबिसे धनकुटा । चौबिसे गाउँपालिका वडा नं।४ ले वडाको सम्पर्क सेवा कार्यालय फलामेटार सञ्चालनमा ल्याए पछि वडाका तल्लो भेगका जनताहरु प्रत्यक्षरुपमा लाभान्वित भएका छ्न ।
वडा कार्यलय मानेडाडामा हुंदा फलामेटार भैंसे जस्ता तमोर गडतिरमा रहेका गाउँबाट हिडेर कार्यलय पुग्न निक्कै सकस थियो ।
तर फलामेटारमा वडा सम्पर्क कार्यालय स्थापना भएपछि वडाका उत्तरी क्षेत्रका नागरीकहरुले राहत महशुस गरेका छन् ।
फलामेटारका ८१ वर्षिय कमल बहादुर खडका आफ्नो वृद्धभत्ताको कार्ड नविकरण गर्न आफै कार्यलय पुग्छ्न।यो उमेरमा आफ्नो काम आफै गर्न पाउँदा खुशी देखिन्छ्न।
स्थानीय याम बहादुर बि।क।३÷४ वर्षमा मात्रै वडा कार्यलय पुगेर जग्गाको तिरो तिर्ने गरेकोमा अहिले वार्षिक तिर्ने गरेको बताउँछन ।
उनी भन्छ्न–‘अहिले त हरेक सरकारी काम समयमै गर्ने गरेको छु ।’ जन्मदर्ता ,मृत्युदर्ता, जग्गाको तिरो जस्ता विभिन्न सरकारी करहरु समयमै बुझाउन पाउँदा स्थानीयहरु अतिरिक्त जरिवानाबाट पनि बचेको उनी बताउँछन ।
सामुदायिक स्वास्थ्य ईकाइ फलामेटारको भवनबाट सञ्चालित यस सम्पर्क कार्यालयबाट साताको एकदिन वडाबाट दिईन सेवा दिनेगरेको वडाध्यक्ष लोकेन्द्र मगरले जानकारी दिनुभयो ।
यस सेवाबाट डिहिटार भैसेटार फलामेटारका जनतालाई सहज रुपमा सेवा दिनका लागि सञ्चालनमा आएपछि यहाँका जनतासंग थप सामिप्यता बढेको र सेवाग्राही पनि उत्साहित देखिएको मगरको भनाई छ ।
स्थानीयबासीहको माग अनुसार करिव २ बर्ष अघिबाट फलामेटारमा वडा सम्पर्क कार्यालय स्थापना गरेर वडाले सेवा दिंदै आएको छ ।
(प्रशिक्षार्थी पत्रकार)
