२१ चैत्र , धनकुटा । कृषि क्षेत्रको प्रवद्र्धन तथा किसानलाई वित्तीय पहुँचमा सहजता पु¥याउने उद्देश्यले धनकुटामा कृषि कर्जामा व्याज अनुदान परिचालन सम्बन्धी छलफल कार्यक्रम सम्पन्न भएको छ । उद्योग, कृषि तथा सहकारी मन्त्रालय, विराटनगर,कृषि ज्ञान केन्द्र, धनकुटा र भेटेरीनरी अस्पताल तथा पशुसेवा विज्ञ केन्द्र, धनकुटाको आयोजनामा सम्पन्न कार्यक्रममा अगुवा किसानले सरकारले ल्याएको व्याज अनुदान कार्यक्रम राम्रो भएपनि कार्यविधिमा फेरबलद गर्नु पर्नेमा जोड दिए ।
उनीहरुले तराइर्, पहाड र हिमालका किसानलाई एउटै मापडण्डमा राखेर कार्यविधि निमार्ण गर्दा सरकारका थुप्रै कार्यक्रम असफल भएको भन्दै उनीहरुले त्यसलाई ध्यानमा राखेर कार्यविधि निर्माण गर्नुपर्ने सुझाएका छन । उनीहरुले किसानलाई व्याज अनुदान कार्यक्रम भन्दा पनि स्थानीय तहलाई जिम्ेमवार बनाएर किसानमैत्री कार्यक्रम सञ्चालन गर्नुपर्ने, किसानका उत्पादनलाई बजारकिरणमा ध्यान दिनुपर्ने भन्दै अगुवा किसान दिपक दाहालले सरकारको ध्यानकर्षण गराउनुभयो । कार्यक्रममा किसानलाई बैंकिङ प्रणालीसँग जोड्ने उपाय तथा कृषि क्षेत्रमा वित्तीय सहायताका नयाँ सम्भावनाहरूबारे गहन छलफल गरिएको थियो । कार्यक्रममा अगुवा बैंक तथा वित्तीय संस्थाका प्रमुखहरूले किसानलाई सरल प्रक्रियामा कर्जा उपलब्ध गराउन आवश्यक नीति तथा सहुलियतबारे जानकारी गराएका थिए । उद्योग, कृषि तथा सहकारी मन्त्रालयका प्रतिनिधिले किसानहरूको आय वृद्धि तथा उत्पादनशीलता अभिवृद्धि गर्न सरकारले ल्याएको विभिन्न योजनाबारे प्रकाश पारेका थिए । व्याज अनुदान दिदा बैकमा ६,वितिय सस्थामा ७ र सहकारीमा ८ प्रतिसतले उपलब्ध गराउने मन्त्रालयले जनाएको छ । जिल्ला समन्वय समितिका प्रमुख निरेन तामाङ , पाख्रिवास नगरपालिकाका प्रमुख ज्ञान बहादुर गुरुङ लगायतले सरकारले ल्याएको यो कार्यक्रम राम्रो भएको र यसको प्रभावभारी कार्यन्वयनमा जोड दिए । कार्यक्रममा अगुवा किसान, बैंक तथा वित्तीय संस्थाका प्रतिनिधि, सञ्चारकर्मी तथा सरोकारवालाहरूको उपस्थिति रहेको थियो ।
