
५ चैत्र धनकुटा । रेडियो धनकुटा एफएमको १७ औं स्थापना दिवस मंगलबार सम्पन्न भएको छ ।
२०६४ साल चैत्र ५ गतेका दिन धनकुटामा पहिलोपटक एफएम शुरु भएको थियो । १७ औं स्थापना दिवसका अवसरमा आयोजित कार्यक्रममा कोशी प्रदेश सदस्य इन्द्रमणी पराजुली, सो कार्यक्रममा जिल्ला समन्वय समिति धनकुटाका प्रमुख निरेन तामाङ, साँगुरीगढी गाउँपालिकाका अध्यक्ष जितेन्द्र रुम्दाली राई, छथरजोरपाटी गाउँपालिकाका उपाध्यक्ष गीता खेवा गुरुङ, नेकपा एकीकृत समाजवादी धनकुटाका अध्यक्ष अर्जुन राई, सामुदायीक बन उपभोक्ता महासंघका अध्यक्ष नीलबहादुर थापा, दलित नागरिक समाजका अगुवा गोपाल विश्वकर्मा, नेपाल पत्रकार महासंघका अध्यक्ष विदुर खवास, नेपाल पत्रकार महासंघका पुर्व अध्यक्ष राजेश्वरबहादुर श्रेष्ठ, नेपाल प्रेस युनियन धनकुटाका अध्यक्ष विनोद घिमिरे लगायतले धनकुटामा धमाधम सञ्चारमाध्यमहरु बन्द भइरहेकाले भएका सञ्चारमाध्यमको संरक्षण र बन्द भएकाहरुलाई पुनः सञ्चालनको पहल गर्नुपर्नेमा जोड दिए ।

रेडियो धनकुटा एफएम व्वस्थापन समितिका अध्यक्ष गोपाल बराइलीको अध्यक्षतामा भएको सो कार्यक्रममा पत्रकारीता क्षेत्रमा योगदान पु¥याउने अग्रज पत्रकार राजेश्वर बहादुर श्रेष्ठलाई अभिनन्दन गरिएको छ । त्यसैगरी समाजसेवी बद्री कोइराला, डा. खगेन्द्र कटुवाल, धनकुटा एफएमका कार्यरत कर्मचारी सञ्जिता लिम्बु लगायत विज्ञापनदाताहरुलाई सम्मान गरिएको छ ।सो कार्यक्रममा गायकहरु गौरवनारायण राई र भुवन डंगोलले गीत प्रस्तुत गरेका थिए ।