धनकुटा, १४ मंसिर । धनकुटामा विद्यालय बस दुर्घटना हुँदा चालकसहित २९ जना घाइते भएका छन्। आइतबार धनकुटा नगरपालिका वडा नं. ७ रमाइलो घुम्तीमा सुनसरीको रामधुनीबाट तेह्रथुमको तिनजुरेसम्म शैक्षिक भ्रमणमा पुगेर फर्कदै गरेको को १ ख ५३१३ नम्बरको बस अनियंत्रित भै सडक डिलमा पल्टेर दुर्घटना भएको प्रहरीले जनाएको छ । सुनसरीको रामधुनी ५ पिंङ्क लोटस इग्लिस स्कुलको बस दुर्घटना हुँदा बसका चालक सुनसरीको झुम्का घर भएका ६० वर्षका भुवन चौधरी सहित २९ जना घाइते भएको प्रहरी जनाएको छ।
बसमा २२ छात्रा र १४ छात्र गरि ३६ विद्यार्थी, ३ जना शिक्षक र चालक तथा सहचालक गरि ४१ जना सवार रहेका थिए। घाइतेहरुको जिल्ला अस्पताल धनकुटामा उपचार भइरहेको धनकुटाका प्रहरी उपरिक्ष शरतकुमार थापा क्षेत्रीले जानकारी दिए ।
